Diplomatic Corps
Tokoni pule‘anga Suisalani´ ki he ma‘u‘anga vai ‘o ‘Eua´

Konga fuofua faka‘ilonga‘i ‘aho fakafonua ‘a Suisalani´ ‘i Tonga ni

Nuku‘alofa – Pulelulu 2 ‘Aokosi 2017, 12:04pm: Na’e fakamanatu he efiafi ‘aneafi´ ‘i he falekai Seaview ‘a e ‘aho fakafonua ‘o Suisalani´, ko e fuofua taimi eni ke faka’ilonga’i ai ‘i Tonga ni.

Na’e toki fakaava pe foki e ‘ofisi ‘o e Konisela Seniale Suisalani ki Tonga ni´ ‘o fakanofo ai ‘a Carl Sanft ko e Konisela Seniale´.

‘I he lea ‘a e ‘Amipasitoa Suisalani ki he Pasifiki´ mei Uelingatoni, Nu‘uisila ne fakafou hangatonu mai he letio 87.5fm, na’a ne pehē ai ‘oku hanga atu ‘a Suisalani ke ngāue vāofi ‘aupito mo Tonga ni ‘i he ngaahi polokalama ki he kaha’u´ kau ai e takimamata´, Mo’ui lelei´, feliuliuaki ‘a e ‘ea´ pea mo e fakahoko fatongia´ pe services, ‘oku ‘iloa ‘aupito ai ‘a Suisalani ‘i māmani.

Na‘e faka’ilonga’i ai pē ‘a e fuofua fakamanatu hono ‘uluaki fakamanatu ‘o e ‘aho ‘o Suisalani´ ‘aki hono foaki e tokoni ‘a Suisalani ki he ma’u’anga vai ‘a ‘Eua´.

Na‘e foaki ai ‘e he Konisela Seniale ‘o Suisalani´, Carl Sanft, ‘a e sieke ko e $2 mano ki he fakafofonga ‘o e kakai mei ‘Eua´, ka ko e Minisitā Pa’anga´, Tevita Lavemaau.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien