Wednesday, 26/4/2017 | 2:15 UTC+13
TDN

Teuteu ‘a Tonga ki he fe‘auhi suto´

Nuku‘alofa – Tu‘apulelulu 20 ‘Epeleli 2017, 1:43pm: ‘Oku ‘amanaki ke fakahoko ki he fale mamata sipoti ‘i ‘Atele´ ‘i he ‘aho 28 mo e 29 ‘o e mahina ni´, ‘a e fe‘auhi fakavaha‘apule‘anga ko ia ‘a e suto´.

Ko e polokalama ko eni´ ‘oku ‘aukau mai ai ‘a e ni‘ihi ‘i he mala‘e ni mei Ha‘amoa ‘Amelika, ‘Aositelēlia, ‘Otu motu Kuki´, Fisi, Maliana, Kilipati, ‘Otu motu Masolo´, Niukaletōnia, motu Norfolk, Niue, Naulu, Nu‘usila, Palau, Papua Niukini, French Polynesia, Ha‘amoa, Solomone, Vanuatu kae pehē foki ki Tonga ni.

‘Oku fakafuofua foki ke ‘i he toko 200 tupu´ ‘a kinautolu te nau kau mai ki he fe‘auhi ni pe ko e Oceania Judo Championship pea ko kinautolu ko eni´ te nau hoko atu ai pe ki he toe fe‘auhi ‘e taha ‘i he 2019.

Ka ‘oku ‘i ai foki ‘a e fokotu‘utu‘u ‘a kinautolu ko ia ‘oku nau fakalele ‘a e polokalama ko eni´ ‘i he taimi ni, ke hoko ‘a e fe‘auhi fakavaha‘apule‘anga ko eni ‘i he suto´, ko ha sipoti ke fakalele ‘i he ta‘u kotoa pea ke fakahoko mai ‘a e konga ‘o e fe‘auhi´ ki Tonga ni.

‘Oku fiema‘u ai ‘a kinautolu ‘oku nau manako ki he sipoti ko eni´ ke nau kau mai ki he polokalama´.

Ko e fe‘auhi foki ko eni´ ‘oku ‘ikai ke totongi ‘a e hū ‘o mamata ki ai´ ‘a ia ‘oku ‘atā ki he Tonga kotoa ke nau ‘ahia mo mamata ki he fe‘auhi ko eni´.

print

About

POST YOUR COMMENTS

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien