Local
Tā tikite toko 4 tangata ki he puke fakamālohi

Nuku‘alofa – Tu‘apulelulu 15 Sune 2017, 4:21pm: Kuo puke pea kuo ‘osi tā tikite ha toko fā tangata felāve‘i mo e puke fakamālohi ‘i ha falekoloa Siaina ‘i Tofoa ‘i he Falaite kuo ‘osi´.

Na‘e pehē mei he kau Polisi´ ko e toko fā ko eni´ na‘a nau hū atu ki he falekoloa eni´ fakafuofua ki he 11:40pm mo ha helepelu ‘o nau hanga ‘o fakamanamana‘i ai ‘a e faifakatau ‘o e falekoloa´.

Na‘e pehē mei he kau Polisi´ na‘e hola ‘a e toko fā ko eni´ mo e pa‘anga nai ‘oku meimei 300.

Na‘e vave pē ‘a e ngāue ‘a e kau Polisi´ ki he me‘a ni pea nau lava ai ‘o puke ‘a e toko fā ko eni´ ‘i he ‘aho Mōnite ‘o e uike ni pea ‘oku kei tauhi ai nautolu ‘i he ‘apitanga Polisi Nuku‘alofa´.

Ko e toko fā ko eni´ ‘oku nau ‘i he ta‘u 17 mo e 18 kātoa pea mei Tofoa pe.

‘Oku kei hokohoko atu pē ‘a e fakatotolo ‘a e kau Polisi´ ki he me‘a ni.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien