Local
Tā tikite Polisi ki he mate he faka‘osinga uikeˊ

Nuku‘alofa – Tūsite 5 Sune 2018, 4:07pm: ‘Oku kei tauhi ‘e he kau Polisiˊ ha tokotaha Polisi kae fakakakato ‘enau fakatotoloˊ ki hono tukuaki‘i na‘e faka‘uli ta‘etokanga ‘o tupu ai ha mate ‘i he faka‘osinga ‘o e uikeˊ.

‘Oku toe ‘i ai foki mo e ngaahi tikite kehe ‘oku tukuaki‘i ki he tokotaha ni kau ai ‘a e faka‘uli ‘oku lolotonga konā pea pehē foki ki he faka‘uli mo e me‘alele ‘oku ‘ikai ke ‘i ai ha fika ‘o e me‘alele ko iaˊ.

‘I he fakamatala mei he kau Polisiˊ ko e fakatamaki ko eniˊ na‘e hoko ia ‘i he pō Falaiteˊ fakafuofua ki he taimi 12 tu‘apō ‘o tui‘i ‘e he tokotaha ko eni ‘oku fakahuuˊ ‘a e me‘alele ne heka ai ‘a e pekiaˊ, ko e matāpule ta‘u 37 mei Fangaloto.

Na‘e mālōlō pe ‘a e matapule ni hili ha houa nai mei he fakatamaki na‘e hokoˊ ‘i he fetaulaki‘anga ‘a e Hala Mateialonaˊ mo e Hala Vaha‘akoloˊ.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien