Wednesday, 26/4/2017 | 2:15 UTC+13
TDN

Ma‘u matapule he ‘uhila´ lolotonga ‘ene toli mei

Nuku‘alofa – Monite 20 Ma‘asi 2017, 1:40pm: Na‘e a‘utaki mai foki ha lipooti ki he 87.5 fakafuofua ki he mei hoko nai ‘a e 12 ho‘ataa ‘o e ‘aho ni´, ko ha matapule ‘oku ma‘u he ‘uhila´ lolotonga ia ha‘ane toli mei.

Fakatatau ki he fakamatala ‘a e matapule na‘a ne fakahoko mai ‘a e lipooti´, ko ‘ene mamata tonu eni ‘i he fakatamaki na‘e hoko´, ko e tamasi‘i ko ‘ene kaka ‘o toli mei pea lave ‘a e fo‘i pamu na‘e fai ‘aki ‘a e toli mei´ ‘i he laine ‘uhila´ ‘o tupunga ai hono ma‘u ‘a e tokotaha ni he ‘uhila´.

Na‘e fakahaa foki he fakamatala ne a‘utaki mai´ ko e laine ‘uhila volota 10,000 eni na‘e lave ai ‘a e pamu ‘o e matapule toli mei´.

Ko e fakatamaki ni na‘e hoko ia ‘i he Hala Vaha‘akolo´ ‘i Havelu.

Na‘e ‘osi a‘u foki pea mo e kau Polisi´ pea mo e kau Toketa ki he fakatamaki ni, fakatatau ki he lipooti kuo ma‘u ‘e he 87.5.

‘I he taimi tatau ‘oku te‘eki ai ke ma‘u ‘a e fakaikiiki ki he tokotaha ni pea pehee foki ki he fakaikiiki ‘a e me‘a ni mei he kau Polisi´ ka ‘oku kei muimui‘i ‘e he ongoongo ‘a e Letio FM87.5 ‘a e me‘a ni pea ‘e toki tuku atu ‘a mui ange.

print

About

POST YOUR COMMENTS

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien