Education
Mahu‘inga ‘uluaki tā sipinga lelei faiakoˊ ke ako mei ai fānau akoˊ

Nuku‘alofa – Tūsite 16 Sanuali 2018, 2:17pm: Na‘e fakamamafa‘i ‘e he ‘Eiki Minisitā Akoˊ, Penisimani Fifita ‘aneafi ‘a e mahu‘inga ‘a e fakafōtunga faka‘ulungaanga ‘o e kau faiakoˊ, he ‘e makatu‘unga ai pē mei ai ‘a e tu‘unga ‘oku ‘i ai ‘a e ‘ulungaanga ‘a e fānau akoˊ ‘i lokiakoˊ.

‘Oku mahino foki mei he fakamatala na‘e fakahoko mai pea ‘oku toutou fakahoko pē ia ‘o ‘ilo‘i ‘i he tapa kehekehe ‘o māmāni, ko e kau faiakoˊ, ko e makatu‘unga ia e fakava‘e ki ha fakalakalaka ‘o ha fonua.

Hangē pe ko ia ko e fakamatala na‘e fai ‘e he Palesiteni ‘o e Kautaha ‘a e kau faiakoˊ pe ko e FITA, ko Finau Tūtone, ‘ene toutou fakamanatu ‘aneafi ko e kau Toketā pe ko e kau ngāue fakapule‘anga pe ko e hā pe ha fa‘ahinga taukei pe fatongia ‘i ha fonua, ‘oku makatu‘unga ia mei he teu‘i kinautolu ‘i lokiakoˊ.

Na‘e ‘i he polokalama ni ‘a ‘Anau Taufa mo e talanoa ko eniˊ.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien