Cabinet
Maau Kapineti ‘Eiki Palēmiaˊ?

Nuku‘alofa – Falaite 5 Sanuali 2018, 1:25pm: Fakatatau ki he fakamatala kuo ma‘u ‘e he Letioo ni, ko e ngaahi fokotu‘utu‘u nai eni ka ‘e toki fakapapau‘i ia ‘i he uike kaha‘uˊ ki he ngaahi lakanga mei he Palēmiaˊ ‘o ‘alu ‘o a‘u ki he fokotu‘u ‘o e Minisitā fo‘ou mei tu‘a kae pehē foki ki he Minisitā fo‘ou mei he kau mēmipa ne ‘osi fili ki loto ki Falealea ‘e he kakaiˊ.

‘A ia ko e lisi ko eniˊ:-

Ko e Minisitā ki Muli, Minisitā ki he Komisoni ‘a e kau ngāue fakapule‘angaˊ, Minisitā ki he kau tau ‘a ‘Ene ‘Afioˊ, ko Samuela ‘Akilisi Pōhiva.

Tokoni Palēmiaˊ, Minisitā ki he ngaahi Ngāue Lalahi ‘a e pule‘angaˊ mo e Takimamataˊ, Semisi Sika.

Minisitā Fonua Savea mo e ngaahi Koloa Fakaenatulaˊ, ‘Eiki Nōpele Ma‘afu.

Minisitā Mo‘ui mo e Minisitā ki he Ngaahi Ngāue ‘a e pule‘angaˊ, Siosaia Piukala.

Minisitā Pa‘anga mo e Palani Fakafonuaˊ, Pōhiva Tu‘i‘onetoa.

Minisitā ki he Potungāue Ngoueˊ, Toutaiˊ, Me‘atokoniˊ mo e Vaotātaaˊ, Semisi Fakahau.

Minisitā ki he Potungāue Ngoueˊ mo e Ako Ngāueˊ, Penisimani Fifita.

Minisitā Lao mo e Minisitā ki he Pilīsoneˊ, Vuna Fa‘otusia.

Minisitā Polisiˊ mo e Tamateafiˊ kau ki ai mo e Potungāue Tanaki Pa‘anga Hū maiˊ mo e Tuteˊ, Māteni Tapueluelu.

Minisitā ki he Potungāue ‘Atakaiˊ, Fakamatalaˊ, Fakatamaki Fakaenatulaˊ, Vakai Matangiˊ, Feliuliuaki e ‘Eaˊ mo e Fetu‘utakiˊ pe ko e MEIDECC, Poasi Tei.

Ko e fokotu‘u fo‘ou leva ki he lakanga Minisitā ‘a e Potungāue ki he Ngaahi Ngāue Fakalotofonuaˊ, ko ‘Akosita Lavulavu.

Ko e Minisitā fo‘ou leva ko e fokotu‘u mei tu‘a na‘e ‘ikai ke fili ‘e he kakaiˊ ki he Potungāue ki he Ngaahi Ngāue‘angaˊ, Ngaahi Ngāue ‘a e Kakaiˊ, Komeesiˊ, ‘Ilo Fo‘ouˊ mo e Fefakatau‘akiˊ, ko Tu‘i Uata.

‘Oku mahino foki mei he ngaahi lisi ko eniˊ ‘oku ‘i ai ‘a e ngaahi fehikitaki ‘i he ngaahi Potungāueˊ pea ‘oku hā mai mo e fakakau mai mo e Komisoni ki he ngaahi ngāue ‘a e kakaiˊ ki he ngaahi Potungāue pea ‘i ai mo hono Minisitaaˊ.

Kaikehe ko e tu‘u foki ia ‘a e anga ‘o e fili ‘o e kau mēmipa ‘o e Kapinetiˊ ki he taimi niˊ pea toki fakamahino mo fakapapau‘i aofangatuku ‘i he uike kaha‘uˊ.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien