Local
Fuofua ‘a‘ahi mai ki Tonga ni PM fo‘ou ‘a Nu‘usilaˊ

Nuku‘alofa – Pulelulu 7 Ma‘asi 2018, 4:24pm: Na‘e tū‘uta mai ‘a e ‘Eiki Palēmia ‘a Nu‘usilaˊ, Jacinda Ardern ‘i he efiafi ‘aneafiˊ mo ‘ene kau folau ki he mala‘e vakapune Fua‘amotuˊ ‘i he toe 20 ki he fituˊ pea na‘e ‘i ai mo e kau fakafofonga ‘a e pule‘angaˊ, kau Minisitā ‘a e Kapinetiˊ, ke nau hanga ‘o talitali ia kau ai mo e Talafekau lahi fili ‘a Nu‘usila ‘i he lolotonga niˊ.

Na‘e muimui folau mai foki ‘i he ‘Eiki Palēmiaˊ ‘a e toko 60 tupu kau ai ‘a e kau Houe‘eiki Minisitā ‘o e Kapineti ‘o Nu‘usilaˊ, kau fakafofonga mei he ongo paati fakapolitikale ko e GREENS pea mo e National Party pea pehē pe foki ki he kau fakafofonga mei he ngaahi pisinisi lalahi ‘a e fonuaˊ kae‘uma‘ā ‘a e kau faiongoongo mei he ngaahi kautaha ongoongo kehekehe pē ‘a e fonuaˊ.

Na‘e tokolahi pe foki mo e kau faiongoongo mei he ngaahi kautaha ongoongo kehekehe ‘a Tonga niˊ ‘i he mala‘e vakapuna Fua‘amotuˊ ki hono talitali ‘a Hon Jacinda Ardern mo ‘ene kau muimui folauˊ ‘o kau ai mo Siaosi Lavaka mei he fale ni ‘one ‘omai ‘a e talanoa ko eniˊ.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien