Education
Fiema‘u ha kau fale‘i IT lelei he Sekitoa ‘a e Akoˊ

Nuku‘alofa – Mōnite 21 Mē 2018, 3:36pm: Ko e mahu‘inga ‘a e fiema‘u ko ia ‘o ha polokalama ngāue fakakomipiuta ke ne fakamā‘opo‘opo ‘a e ngaahi fakamatala pe ko e data ‘i he sekitoa ‘o e akoˊ ‘i Tonga ni, ‘oku matu‘aki fu‘u fiema‘u ia ‘e he ngaahi akoˊ pea kau ai pe foki mo e fiema‘u ‘a e Potungāue Akoˊ.

‘I he ngaahi felauaki ko eni ‘oku hoko ‘i he ngaahi ‘aho ni felāve‘i mo e ngāue ‘oku fakahoko ‘e Pīveni Piukalaˊ, ko ia na‘a ne fuofua kamata‘i ‘a e ngāue ki hono pailate‘i ‘o kamata ‘i he 2009 nai ‘a e kamata ko ia hono fa‘u ‘a e fo‘i polokalama ke ne fakamā‘opo‘opo ‘a e fakamatala ‘i he Kolisi ‘Apifo‘ouˊ, ‘i he ngaahi ‘elia kehekehe koe‘uhiˊ ke lava ‘o fai ai ‘a hono siofi mo tokanga‘i ‘a e fakalakalaka e fānau akoˊ.

‘A ia na‘e kamata‘i eni ‘i he 2009 pea lava ‘o ngāue‘aki mai ‘i he 2011. ‘I he taimi tatau na‘e lava ‘o fokotu‘u mo e polokalama tatau pe ‘i he ngaahi ako‘anga kehe ‘a e Katolikaˊ kau ai ‘a Takuilau kae pehē foki ki Kēlana ‘i Vava‘u pea kau mai leva ki ai mo e Kolisi Tailuluˊ.

Na‘e pehē ‘i he fakamatala kuo tuku mai ‘e Pīveniˊ, ko e taumu‘a tefito ‘a e ngāue ko eniˊ ke lava ‘e he kau Puleakoˊ pe ko e kau faitu‘utu‘uni ‘i he ‘apiakoˊ ‘o ngāue‘aki ‘a e fakamatalaˊ pe ko e data, ke tokoni ki he‘enau faitu‘utu‘u niˊ koe‘uhiˊ ko e kaha‘u ‘a e fānau akoˊ.

Ka ko e puipuitu‘a eni na‘e makatu‘unga ‘a e kamata ai ‘a e ngāue ‘a Pīveni ki he ngaahi polokalama fakakomipiuta kuo ‘osi ngāue‘aki mai ‘e he ni‘ihi ‘o e ngaahi Kolisiˊ ‘i Tonga ni ‘i he ta‘u nai ‘e nima pe lahi ange ai ‘i he kuohiliˊ, ‘i he fakatalanoa mo ‘Anau Taufa.

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien