Nuku‘alofa – Mōnite 12 Sune 2017, 2:39pm: Na‘e lava foki ‘i he Falaite kuo ‘osi´ ke fai ha fakataha mo e talanoa fakama‘ala‘ala ‘i he vaha‘a ‘o e ‘Eiki Palēmia´ mo e ni‘ihi ‘o e kau Minisitā ‘o e Kapineti´ pea mo e kau faiongoongo´, ki he kaveinga felāve‘i mo e kaniseli ko ia ‘a e teuteu ‘a Tonga ni ke fakalele ‘a e Sipoti ‘o e Pasifiki´ na‘e ‘amanaki ke fakahoko ‘i he 2019 .

Ko e kaniseli foki eni ‘i he ngaahi makatu‘unga kehekehe tautautefito eni ‘i he vivili ‘o e ngaahi fiema‘u ‘a e kakai ‘o e fonua´ fakataha pe mo e ‘ikai ke ‘i ai ha pa‘anga fe‘unga ke fakahoko ‘aki ‘a e ngaahi ngāue´.

Na‘e ‘i ai foki ‘a e tokanga makehe ‘a e ‘Eiki Palēmia´, Samuela ‘Akilisi Pōhiva, ‘i he kamata‘anga ‘a e fakataha‘anga ni, ki he kakato ange ‘a e kau fakafofonga mei he ngaahi kautaha tufaki ongoongo mo fakamatala kotoa pe ‘i Tonga ni ki he fakataha ni tautauteufito ‘i he mahu‘inga ‘enau tukuatu ‘a e ngaahi fakamatala´ ke ‘inasi ai ‘a e Tonga kotoa tatau pe ‘i Tonga ni mo tu‘apule‘anga.

Na‘a ne ‘ohake ai ‘a ‘ene tokanga ke fai ha fakama‘ala‘ala felāve‘i mo e tu‘unga kuo a‘u mai ki ai ‘a e fonua´ mo e kaniseli ko eni ‘e he pule‘anga´ ‘a e ‘amanaki fakalele ‘e Tonga ni ‘a e Sipoti Pasifiki 2019.

 

print

About the author

Leave a comment

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien