Wednesday, 26/4/2017 | 2:15 UTC+13
TDN

Fakafoki‘i mai toko ua mei he polokalama toli Nu‘usila´ ko e konā

Nuku‘alofa – Falaite 21 ‘Epeleli 2017, 4:10pm: ‘Oku kei hokohoko atu ‘a e tokanga´ tautautefito eni koe‘uhi´ ko e tu‘unga ko ia ‘o e fatongia pe ko e ngāue ‘a ia ‘oku ma‘u mei ai ‘a e silini ‘a e tokolahi ‘i Tonga ni mo e ngaahi fāmili pea pehē ki he toenga ‘o e ngaahi fonua Pasifiki´ ‘i he polokalama toli´.

Kuo ‘osi ‘i Tonga ni foki ‘a e toko ua ‘i hono fakafoki mai koe‘uhi´ ko e ngaahi maumau lao na‘a na fakahoko lolotonga ‘a e taimi ‘o ‘ena ngāue ‘i he taha ‘o e ngaahi faama ko ia ‘i Nu‘usila´.

‘I he taimi tatau pe na‘e ‘osi fakafoki mai ki Tonga ni kimu‘a atu ‘a e toko 8, ko e palopalema ‘oku fai ki ai ‘a e tokanga´ ‘oku fekau‘aki hangatonu pe ia pea mo e ma‘u ko ia ‘o e kavamālohitapu´ pehē pe foki ki he ni‘ihi ‘oku te‘eki pe ke nau fakapotopoto fe‘unga koe‘uhi´ ko e ma‘u‘anga mo‘ui ko eni´, ke ngāue lelei ‘aki.

Ko e toko ua ko ia na‘e toki fakafoki mai´, ko e ongo tangata ‘i hona ta‘u uofulu tupu´ pea na‘e fakafoki mai kinaua ‘aneafi.

Kaikehe, ‘oku ‘i ai ‘a e tapou mo e na‘ina‘i mei he kau pule faama toli ‘i Nu‘usila´ koe‘uhi´ ko e faingamālie ngāue ‘oku ma‘u ‘e he kau Tonga´, ‘oku ‘ikai ke faingata‘a hano foaki ia ma‘a ha fonua kehe ange ‘oku nau mahu‘inga‘ia ‘i he faingamālie´.

print

About

POST YOUR COMMENTS

Your email address will not be published. Required fields are marked *

WP-Backgrounds Lite by InoPlugs Web Design and Juwelier Schönmann 1010 Wien